Қаріп көлемі: A A A
Сайттың түсі: A A
Қаріп түрі:
Нашар көретіндерге арналған нұсқа Мобильді нұсқа
Талдықорған -20 oC
Өңірде 3 мыңнан астам спорт нысаны жұмыс істеп тұр

Өңірде 3 мыңнан астам спорт нысаны жұмыс істеп тұр

Өңірде 3 мыңнан астам спорт нысаны жұмыс істеп тұр

Мемлекет басшысының халықтың 30 пайызын жүйелі түрде дене шынықтырумен және спортпен айналысуға тарту туралы тапсырмасын іске асыру мақсатында Алматы облысында ауқымды жұмыстар атқарылуда. Облыстық дене шынықтыру және спорт басқармасының хабарлауынша, тек биылғы жылдың өзінде жергілікті бюджеттен аталмыш саланы дамытуға аймақта 6 млрд. теңгеден астам қаржы бөлінген.

Қазіргі кезде облыста 3347 спорттық нысан жұмыс істесе, соның 2560-ы – ауылдық жерлерде. Соның нәтижесінде өткен жылы бұқаралық спортпен айналысатын облыс тұрғындарының саны 27 % жетті. Бұл орайда бұқаралық спортпен шұғылданатын балалар мен жасөспірімдер саны 97 090-ға жетіп, 30,2 %  құрады. Мүмкіндігі шектеулі азаматтардың спортпен айналысуына жағдай жасалып, осы мақсатта облыс орталығында мамандандырылған спорт мектебі жұмыс істеуде.

Облыстық дене шынықтыру және спорт басқармасының мәліметіне сүйенсек, қазіргі кезде Талғар, Райымбек, Қарасай аудандарында 3 дене шынықтыру-сауықтыру кешенінің құрылысы жүріп жатыр. Алакөл ауданы Үшарал қаласында мемлекеттік-жекеменшік серіктестік шеңберінде дене шынықтыру-сауықтыру кешенінің құрылысы жоспарланып отыр.

Биылғы жылы Нарынқол ауылында футбол алаңының құрылысы аяқталып, Қаскелең, Талғар қалаларында, Райымбек ауданы Кеген ауылында спорттық кешендердің, Қарасай ауданының Жалпақсай ауылында футбол алаңының құрылыстары жүріп жатыр.  Сонымен қатар Қаратал ауданында спорттық мектепті жаңғырту жұмыстары жүргізілуде.

Атап өтерлігі, Талдықорғанда олимпиадалық жүзу бассейні, жеңіл атлетика манежі мен велотрек салу жоспарланып отыр. 


Көріністер:  243

Осы сайттан материалдарды көшірген, ретрансляциялаған немесе үзінді алған жағдайда ешқандай өзгеріссіз төмендегідей жазбаны пайдалана отырып (тырнақшасыз) дереккөзді көрсету міндетті шарт болып табылады:
«Дереккөз: Алматы облысы әкімдігінің ресми сайты www.zhetysu.gov.kz.

Орналастырылған күні: 11.09.2017 17:28

Өзгертілген күні: 13.09.2017 09:34:01

Тізімге қайта оралу


Елді мекендерге бұрылыс салу туралы
Кезек реті туралы ақпарат
Сыбайлас жемқорлыққа қарсы әрекет
Наверх