Қаріп көлемі: A A A
Сайттың түсі: A A
Қаріп түрі:
Нашар көретіндерге арналған нұсқа Мобильді нұсқа
Талдықорған +3 oC

Ұйғыр ауданына көгілдір отын келді

Ұйғыр ауданына көгілдір отын келді

   2019 жылғы 4 шілде Ұйғыр ауданының тарихына алтын әріптермен жазылып қалатын күн десек, артық айтпаймыз. Осы күні шалғайда жатқан Қарадала өңіріне көгілдір отын келді. Облыс әкімі А. Баталов ел мен жердің игілігі, ырысы мен берекесі әрі мерекесі іспетті көгілдір отынның алауын тұтатуға қатысты. Облыстық мәслихатттың 2007 жылғы «Алматы облысын 2007-2015 жылдары және болашақта 2020 жылға дейінгі кешенді газдандыру» өңірлік бағдарламасы аясында аудан аумағына 46 шақырым «Азиялық газ желісінің» құрылысы жүргізіліп, екі жыл аумағында 19 855 миллион теңге инвестиция тартылған. Қаражаттың негізгі бөлігін ауданды көгілдір отынмен қамтамасыз етуді қолға алып отырған «Азия газ Чунджа» ЖШС жұмсап отыр. Жалпы көлемі 214 шақырымды құрайтын көгілдір отын үшін 23 газ тарату шкафтарының, 2 газ тарату пунктінің құрылысы жүргізілді. Аудан орталығы Шонжы ауылында 3500 тұрғын үй, 34 әлеуметтік нысан, 150 кәсіпкерлік нысандар көгілдір отынмен қамтамасыз етілетін болады. Қазірдің өзінде 200-ден аса тұрғын үйге көгілдір отынның құбыры тартылып, орнатылуда.

-Тұңғыш Президентіміз Н. Назарбаевтың тапсырмасы бойынша Жетісу жерін көгілдір отынмен қамтамасыз етудің кешенді іс-шаралары жалғасып келеді. Соның бір көрінісіндей бүгін, міне, Ұйғыр ауданына көгілдір отын келіп отыр. Бұл - үлкен жақсылық. Облысты көгілдір отынмен қамту үшін жыл сайын бюджеттен қомақты қаражат бөлінуде. Алматы қаласынан Талдықорғанға дейін газ желісі тартылды. Бақанасқа, Қаратал мен Текеліге, Кербұлаққа, Жаркентке көгілдір отын жеткізілді. Болашақта Алакөл ауданына, таулы өңірге қоныстанған Райымбек, Кеген аудандарына да көгілдір отын жеткізудің жоспары бар. Бүгінгі қуаныштарыңыз ұзағынан сүйіндіре берсін! Әр шаңыраққа бақыт пен қуаныш тілеймін!, - деді облыс әкімі шынайы көңілімен.

Бұдан кейін сөз алған «Азия газ Чунджа» компаниясының директоры Роман Наханов жиналған көпшілікті көгілдір отынның қуанышымен құттықтады. Облыстық мәслихаттың депутаты, осы өңірдің  айтулы перзенті Ызғарбек Бектұрсынов ауданды көгілдір отынмен қамтумасыз етудің үлкен еңбекпен келгенін атап айтып, өңірге келген көгілдір отын – бұл заманға лайық өсіп-өркендеудің, дамудың бір сатысы, жарқын да жайдары көрінісі екенін алға тартты. Осыдан кейін облыс әкімі Амандық Баталов көгілдір отынның алауын тұтатты. Сөйтіп, Ұйғыр ауданының тұрғындары үлкен қуанышқа, жақсылыққа кенелді.


Көріністер:  1437

Осы сайттан материалдарды көшірген, ретрансляциялаған немесе үзінді алған жағдайда ешқандай өзгеріссіз төмендегідей жазбаны пайдалана отырып (тырнақшасыз) дереккөзді көрсету міндетті шарт болып табылады:
«Дереккөз: Алматы облысы әкімдігінің ресми сайты www.zhetysu.gov.kz.

Орналастырылған күні: 04.07.2019 16:38

Өзгертілген күні: 14.11.2019 10:55:05

Тізімге қайта оралу


Кезек реті туралы ақпарат
Сыбайлас жемқорлыққа қарсы әрекет
Мемлекеттік бағдарламалар
Наверх