Қаріп көлемі: A A A
Сайттың түсі: A A
Қаріп түрі:
Нашар көретіндерге арналған нұсқа Мобильді нұсқа
Талдықорған -11 oC

Орталық алаң жаңарады

Орталық алаң жаңарады

Жуық жылдарда Талдықорған қаласындағы орталық алаңда жеті субұрқақ орнатылып, қаланың көркін кіргізетін болады. Бұл ретте алаңда тұрған екі субұрқақтың қазіргі стилі сақтала отырып жаңартылып, жаңа субұрқақтардың құрылысы жүргізілмек.

Қандай субұрқақтар орнату қажет, жұмыс қашан басталады, құрылыс барысында қандай жаңа технологиялар қолданылады деген сауалдарға облыс әкімі Амандық Баталов өткізген жиында жауап берілді. Жиынға Қазақстан Сәулетшілер одағының төрағасы, еліміздің еңбек сіңірген сәулетшісі, профессор Ақмырза Рүстембеков бастаған сәулетшілер мен жобалаушылар қатысты.

Кездесуге келгендердің айтуынша, субұрқақ орнату барысында осындай нысандар салу кезінде әлемде кеңінен қолданылатын инновациялық технологиялар пайдаланылады.

Түрлі ұсыныстар мен пікірлерді тыңдай келе, облыс басшысы алаңды жаңарту барысында оның тарихи маңызы мен құндылығын ескере отырып жалпы концепциясын сақтау қажеттігін айтты. Бұл тайқазанды субұрқаққа да қатысты. Мүсіншілер мен сәулетшілерге оның бүгінгі кейпін сақтай отырып жаңғыртудың бүге-шігесіне дейін ойластыру тапсырылды.

Жиын соңында орталық алаңның болашақтағы келбетін таныстырған бейнеролик көрсетілді. Барлық жаңғырту жұмыстары аяқталғаннан кейін жарықты әрі әуенді, құрғақ, көбікті, бүрку жүйесі бар – жалпы жетеуі жеті түрлі субұрқақ облыс орталығының ажарын бұрынғыдан да әсемдей түсетін болады.


Көріністер:  104

Осы сайттан материалдарды көшірген, ретрансляциялаған немесе үзінді алған жағдайда ешқандай өзгеріссіз төмендегідей жазбаны пайдалана отырып (тырнақшасыз) дереккөзді көрсету міндетті шарт болып табылады:
«Дереккөз: Алматы облысы әкімдігінің ресми сайты www.zhetysu.gov.kz.

Орналастырылған күні: 14.11.2017 11:54

Өзгертілген күні: 14.11.2017 11:57:40

Тізімге қайта оралу


Есік қаласындағы мектеп туралы
Кезек реті туралы ақпарат
Сыбайлас жемқорлыққа қарсы әрекет
Наверх