Қаріп көлемі: A A A
Сайттың түсі: A A
Қаріп түрі:
Нашар көретіндерге арналған нұсқа Мобильді нұсқа
Талдықорған -2 oC

Өңірдің инвестициялық мүмкіндіктері мол

Өңірдің инвестициялық мүмкіндіктері мол

Бүгін облыс әкімі Амандық Баталов «KAZAKH INVEST» ҰК» АҚ басқарма төрағасының орынбасары Біржан Қанешевпен кездесті. Жиында «KAZAKH INVEST» ҰК» АҚ-ның қызметі таныстырылып, өңірлік директорлар кеңесінің жергілікті атқарушы органдармен өзара қарым-қатынас жүйесі баяндалды.

Кездесу барысында облыс әкімі Амандық Баталов облыста инвестиция тарту бағытында атқарылып жатқан жұмыстарға қысқаша тоқталып өтті. «Қорғас» ХШЫО мен «Қорғас – Шығыс қақпасы» АЭА базасында, өңірдің аудан, қалаларында құрылған индустриалды аймақтар мен өнеркәсіп алаңдарына инвестициялық жобаларды орналастыру мүмкіндіктері жайлы айтып берді.

- Алматы облысы - инвестициялық жағынан тартымды аймақ. Бұл оның аумақтық әрі табиғи-климаттық тұрғыдағы ерекшелігіне байланысты, сонымен қатар көлік дәліздерін дамыту және инвестиция тартуға жасалған жағдайлар мен іс-шаралардың нәтижесі. Инвесторлармен жүргізілген жұмыстың арқасында өткен жылдың өзінде 25 мың жұмыс орны ашылды, - деді А. Баталов. 

Мұнан соң «KAZAKH INVEST» ҰК» АҚ қызметінің және өңірлік директорлар кеңесінің жергілікті атқарушы органдармен өзара қарым-қатынас жүйесінің таныстырылымын акционерлік қоғамның басқарма төрағасының орынбасары Біржан Қанешев баяндады. Оның айтуынша, «KAZAKH INVEST» ҰК» АҚ Мемлекет басшысының тапсырмасы бойынша Қазақстан Республикасы Үкіметінің қаулысымен Қазақстан Республикасына шетелдік инвесторларды тарту жөніндегі оператор ретінде құрылған. Компанияның басты міндеттерінің бірі – Өңірлік инвестиция картасын  қалыптастыру, әрбір аймақтың спецификалық ерекшеліктерін есепке ала отырып, инвесторлармен жеке жұмыс жүргізу екенін де атап өтті. Осы мақсатта Талдықорған қаласында жергілікті жерлердегі инвесторлармен жұмыс істеу үшін компанияның өкілдігі ашылмақ.

Жиынды қорытындылаған облыс әкімі А. Баталов Алматы облысы «KAZAKH INVEST» ҰК» АҚ өкілдерімен бірлесе отырып Мемлекет басшысының маңызды тапсырмаларының бірі инвестиция тартуда айтулы нәтижелерге қол жеткізетіндіктеріне сенім білдірді.

Осы күні ресми делегация Алматы облысына жасаған сапары барысында инвесторлармен кездесіп, Алматы облыстық Аймақтық даму орталығының, «Жетісу» ӘКК» АҚ, Талдықорған қаласындағы ХҚО жанындағы инвесторларға қызмет көрсету орталығының жұмысымен танысты, сол сияқты «Талдықорған» индустриалды аймағында болды.

Жалпы, қазіргі кезде аймақта жалпы инвестиция көлемі 530,9 млрд. теңге болатын, 10 мың жұмыс орнын құруға мүмкіндік беретін 63 инвестициялық жоба жүзеге асырылуда. Бұлардың қатарында «Маревен Фуд Тянь-Шань» ЖШС, «ЛУКОЙЛ Лубрикантс Орталық Азия» ЖШС, «Nemish Pharma» ЖШС, «Бауман» ЖШС, «Farm Frites» ЖШС сияқты ірі трансұлттық компаниялардың қатысуымен жүзеге асырылатын 9 жоба бар. 


Көріністер:  4726

Осы сайттан материалдарды көшірген, ретрансляциялаған немесе үзінді алған жағдайда ешқандай өзгеріссіз төмендегідей жазбаны пайдалана отырып (тырнақшасыз) дереккөзді көрсету міндетті шарт болып табылады:
«Дереккөз: Алматы облысы әкімдігінің ресми сайты www.zhetysu.gov.kz.

Орналастырылған күні: 27.06.2017 17:13

Өзгертілген күні: 27.06.2017 17:15:45

Тізімге қайта оралу


Кезек реті туралы ақпарат
Сыбайлас жемқорлыққа қарсы әрекет
TALAP.Опросы
Мемлекеттік бағдарламалар
Наверх